Ana gana, rani zaâfana

Ana gana
Rani zaâfana
Men el essiyassa
Taâ riyassna
Li dji ighanina
Ghounya qdima
Hetta el drabki djabouhoulna
Hasbina  koulouna
Naklou el khobz men wadnina.

Ana gana
Rani zaâfana
Men lam3icha
Fi bled'na
Li walate ghalya
Wa el khobza
Marmiya fi zoubya.

Ana gana
Rani zaâfana
Men el batata
Elli ma aâd'ha
hetta benna
Même ki n'zidoulha
Fifla harra
El chtit'ha tabqa samta.

Ana gana
Rani zaâfana
Men Air Stana
Sinon tbate hna
Elli aâla djal'ha
J'ai raté el d'fina
Taâ khalti Tetma
Allah Yarhamha.

Ana gana
Rani zaâfana
Men les barrages taâ el poliçia
Wa taâ el jadarmiya
Leur présence ma aaâd'ha
Hetta fayda
Zadou chabkouhalna.

Ana gana
Rani zaâfana
Men les bouchons sur les routes dialna
Takhroudj men dar aâla setta
Talhaq aâla tmenya lel khadma
El permis walla yatmed ki chicoula
Aux filles et aux fils à papa...
Et à mama, il ne faut pas l'oublier celle-là
Rahi minclusivya maâ el moudhakar dialha.

Ana gana
Rani zaâfana
Men la connexion el mahanna
Panne men sbah la3chiya
Fi ch'har yassarqoulna smana
Nebkou wala nenedbou hnoukna
Hadi hiya el sal3a, sinon pas de FA.

Ana gana
Rani zaâfana
Men el hafafa
Li darat'li digât
Qat3at'li echoucha
Ki triq el m3awdja
Tqoul l'entrée de Dergana.

Ana gana
Rani zaâfana
Aâla el vista
Li n'3oum fiha
Chah fiya
Habite la taille taâ el houta
Nouss sardina, nouss mra
Eberdi douqa.

Ana gana
Rani zaâfana
Mais, je ne sais pas
Wach hiya sebba
Ki n'chouf rouhi fel mraya
N'heb n'3ayate 3ayta
Wakila aâla hadik essamta
Li sabhate aâlya bel bka
Hadik qassat'ha qassa
Ma aând'ha nihaya
Elle croit qu'el koura el ardiya
Kima kourate el rugby, baydhawiya
B3at'ha tghaliha, wa takoulha
Maâ moula da3wat'ha.

Je suis zaâfana
Men haqi wala lala !