Un cours en dardja à likoul

- Sbah el khir echeikh
- Hada win dji ?
- La circulation, echeikh.
- Rouh el placetek.
- Sbah el khir echeikh.
- Wenta wa3lach rak rotard ?
- Tomobile tahate en panne.
- La panne rahi fi moukhek. Rouh el placetek.

- Aya el atffel, khardjou les affaires ta3 el calcul !
- Cheikh...
- Wach ?
- Nsit el kteb ta3i fi eddar.
- Wal goûter nsitou ?
- Lala. La3djouz préparathouli .
- Les affaires tensawhoum mais 3la kerchkoum takhlou  lebled wa twaslouna el joinville.
- Cheikh ?
- Wachnou ?
- Nrouh naq3oud  m3a sahbi Benali bach ntaba3 m3ah ?
- Ma taq3oud  m3a sahbek la m3a sidi zekri. Rouh adrab darra 3and el moudira.
- Wach ngoulelha ?
- Goulelha nta wa laqraya 3andkoum des siècles  ma tchawaftouch.
- Smahli cheikh. Oqsimou billah, ma nzidch n3awed.
- Qbal ma taqsam,  t3alam tmultipliyi d'abord. Barra ! Ma tawalich hetta djibli babek wala yemak.
- Baba rahou fel 3oumra.
- 3am tol fel oumra. Wach rah eddir bihoum ?
- Rah yachri sajadate bach ihal boutique fel centre ta3 Bab Ezzouar..
- Wa yemak ?
- Yema rahi mrida.
- Wach biha had el marra ?
- Zalqat 3la el jouet ta3 khoya sghir. Rahate lesbitar, daroulha plâtre. Ma taqdarch temchi, ma 3andhach les béquilles.
- Enta taqdar temchi ?
- Eeh.
- Emmala rouh 3and el moudira wa hkilha la saga ta3 familtek. Barra !
- Wachnou lassaga ?
- El saga qissate bledna  men l'âge lahjar hetta el youm.
- Saha fihoum li 3achou fi l'âge ta3 lahjar.
- Wa3lach ?
- Lakhatarch bi hadouk lahjar li kanou, naqadrou nsaydou beaucoup de maqnin wa nbi3ouhoum  wa natrafhou et bye bye likoul.
- Barra ! Rouh tsayad des convocations 3and la directrice.

- El atffel...
- Na3am echeikh.
- Essam3ou mlih : Mandella  zed fi 1918 wa mat fi 2013. Chhal kan fi 3amrou ki mate ?  Aya dirou l'opération !

- Khlass el atffel, hattou les crayons fouq ettabla, wa sam3ou !
  Snoussi, a3tina el djaweb.
- Mandella kan fi 3amour 3931 sna ki mate.
- Hada batta el record. Goulena ya calculateur, kifach darte  bach sabte had el djaweb qad rassek el kbir bla fayda.
- Derte opération ta3 plus : 1918 + 2013 itigale 3931
-  Emmala gouli, chhal qa3date França  fi bledna : hajmate 3lina en 1830 wa kharadjnaha en 1962 ?
- Dqiqa cheikh, ndir l'opérarion...1830 + 1962 itigal...3792 sna
- Wach t3alamtou fel cours d'histoire ! Chhal men sna q3ad el isti3mar fi bledna ?
- 132 sna.
- Kifach tgouli 3792 sna !
- Machi kif-kif echeikh. 132 sna fel cours d'histoire. Dork rana fel cours de calcul. Lazem  opération wahdoukhra.


- Cheikh... Cheikh... win rak rayeh ? Mazal ma sonnetch !
- Rani rayeh ndir parationne bach nwali amnésique wa nenssa les bêtises li sma3thoum el youm.